| قلب مضطر سے یہ ہر بار صدا آتی ہے |
| سوئی ملت کو جگا دے یہ دعا آتی ہے |
| ختم ہو جنگ و جدل کی یہ نحوست جگ سے |
| امن قائم ہو جائے ہر سو، ندا آتی ہے |
| لطف اندوزی ہو محسوس چمن میں اپنے |
| جب کبھی تازہ شگفتہ رو فضا آتی ہے |
| زیست میں جہد مسلسل کا ہی کردار بڑا |
| رنگ و تاثیر بھی تعبیر نما آتی ہے |
| بوجھ دل کا کرے ہلکا یہ نظارہ دلکش |
| مستی میں ڈوبی ہو رت باد صبا آتی ہے |
| خوبصورت یہ جہاں ربﷻ نے بنایا ناصؔر |
| دیکھ کے کاری گری لب پہ ثنا آتی ہے |
معلومات