| اعلانِ کن کا مدعا محبوبِ رب صلے علی |
| یعنی حبیبِ کبریا مولائے من فضلِ الہ |
| اُن کے منور نور سے ہے، دو جہاں میں روشنی |
| ممنون ہے جن کی ضیا، وہ فیضِ حق شمسِ دُحیٰ |
| وہ جان، جانِ دو جہاں، وہ زینتِ کون و مکاں |
| جن سے ہیں دل کو راحتیں، وہ فرحتِ ارض و سما |
| یثرب کو جن کے فیض نے، ہے باغِ بطحا کر دیا |
| یہ چارہ گر مشکل کشا، دیتے ہیں فیضِ کبریا |
| آئی جہاں میں رونقیں، اُن کے حریمِ ناز سے |
| اُن سے دکھوں کا خاتمہ، وہ درماں دردِ لا دوا |
| اُن سے ہے حسنِ بندگی، اُن سے جمالِ زندگی |
| انسانِ کامل آپ ہیں، ہے عبدُہُ عہدہ ملا |
| قلب و جگر کی ہیں شفا،مقصودِ ما نورِ ہدیٰ |
| آقائے من صلے علی، دانائے رازِ لا الہ |
| محمود کہہ صلے علیٰ، محسن ہیں تیرے مصطفیٰ |
| مولا علی شیرِ خدا، حسنین و بیبی فاطمہ |
معلومات