| اک کہانی زندگی |
| تھی سہانی زندگی |
| وقت کی رفتار تھی |
| اور نمانی زندگی |
| پہلے کا وہ دور تھا |
| تھی دوانی زندگی |
| جدتوں کا دور ،پر |
| ہے پرانی زندگی |
| اب تلک تو ساتھ ہے |
| مہربانی زندگی |
| ظالموں کو یاد ہو |
| ہے یہ فانی زندگی |
| راجا ہیں گر آپ تو |
| راج دھانی زندگی |
| اک نیا وجدان دے |
| اے گیانی زندگی |
| آگ ہے دل میں مرے |
| ڈال پانی زندگی |
| بے خودی کے گھیر میں |
| ہے سیانی زندگی |
| لخت لخت ہو گیا |
| پر نہ مانی زندگی |
| حسرتوں کی ٹال پل |
| کیا جلانی زندگی |
| یار گر مل جائے ،ہے |
| شادمانی زندگی |
| ٹہرے کیوں ہو یار تم |
| ہے روانی زندگی |
| کوچہ کوچہ چھان لے |
| اے سیلانی زندگی |
| پہنچے ہیں منزل پہ یوں |
| ہے سجانی زندگی |
| ڈھنگ سے جی لو اسے |
| نا ہے ثانی زندگی |
| در حقیقت موت کی |
| ترجمانی زندگی |
| لوگ آتے جاتے ہیں |
| یہ ہے جانی زندگی |
| بے خطر چلتے رہو |
| یوں بھی جانی زندگی |
| آفتوں کے دور میں |
| نا گہانی زندگی |
| نیک ہیں اعمال گر |
| کب ہے فانی زندگی |
| قبر میں جانا ہے بس |
| لوٹ آنی زندگی |
| روح گر ہے شاد تو |
| ہے رو حانی زندگی |
| مرشدی کے سائے میں |
| ہے بتانی زندگی |
| خاکی ان کے نام پر |
| نذر مانی زندگی |
معلومات