| خبر دی ضروری نبی مصطفیٰ نے |
| جہانوں کے دانا حبیبِ خدا نے |
| خدایا تو ذیشاں عُلیٰ رتبہ تیرا |
| جھکا تیرے آگے سدا سر ہے میرا |
| نہیں باپ تیرا نہ ہی والدہ ہے |
| نہ اولاد تیری تو واحد الہ ہے |
| دعا کے لئے ہیں اُٹھے ہاتھ میرے |
| کہ افضال تیرے رہیں ساتھ میرے |
| یہ کونین تیری تو خالق ہے سب کا |
| غنی میرے مولا تو رازق ہے سب کا |
| نہیں مثل تیری احد ہے تو اعلیٰ |
| یہ مخلوق تیری تو مالک ہے اعلیٰ |
| صمد ذات تیری حسیں بے نیازی |
| جہاں کھائیں تیرا یہ بندہ نوازی |
| نبی تیرے لائے جو اسلام دیں ہے |
| تفاوت کسی میں کہیں بھی نہیں ہے |
| سجے قدرتوں کے جہاں کارخانے |
| ملیں رحمتوں کے وہاں پر خزانے |
| چلے ہر جگہ ہی سدا حکم تیرا |
| ارادے سے تیرے اندھیرا سویرا |
| رحیمی اے داتا تو رحمانِ عالم |
| بڑائی ہے تیری تو سلطانِ عالم |
| کریمی کروں میں سدا کام اچھے |
| میں لوں نام تیرے دعاؤں میں اچھے |
| الٰہی یہ میری سجے زندگی اب |
| دے لذت مجھے بھی کروں بندگی جب |
| ندا سن خدایا ہے محمود کرتا |
| کرم اس پہ کر دے ہے میزاں سے ڈرتا |
معلومات