| کتنی میٹھی یہ بھوک ہے بابا |
| تشنگی کا سلوک ہے بابا |
| ہجر وارد نہ اس طرح کیجئے |
| ہو رہی بھول چوک ہے بابا |
| حسن سے بول کردے صرفِ نظر |
| لب پہ ٹھہری جو اوک ہے بابا |
| خیمہ زن ہیں یہاں وہاں شبہات |
| دل دیارِ شکوک ہے بابا |
| دھڑکنوں میں ہے چہچہاہٹ سی |
| جیسے کوئل کی کوک ہے بابا |
| ہم فقیروں کا کیا یہاں آنا |
| یہ تو شہرِ ملوک ہے بابا |
| زخم ناسور ہوگیا ہوگا |
| خون آلودہ تھوک ہے بابا |
| زرد چہرے پہ چھا گئی شیدؔا |
| سرخ رنگوں کی ہوک ہے بابا |
| *علی شیدؔا* |
معلومات