| اعلی ترین نام سے اعلی کہوں تُجھے |
| بعد از خُدا بزرگ ہیں آقا کہوں تُجھے |
| کُن کی صدا سے پیشتر اُس انتخاب کو |
| جو اوّّّّلاً ہے مصطفی اولی' کہوں تُجھے |
| رب نے چُنا تو آپؐ کو ہی حُسنِ الکتاب |
| یاسیں کہوں مُزمّل و طہ' کہوں تُجھے |
| ہیں مجتبی' ہی باعِثِ ِتخلیقِ کائنات |
| تقویمِ صنفِ شوق کا مطلع کہوں تُجھے |
| ہر سمت لطف اذنِ شفاعت کا حشر میں |
| امّت کے آخری ہیں سہارا کہوں تُجھے |
| رقصاں مدینے کی جو ہوائیں ہیں عطر بیز |
| خوشبو فضاءِِ موسمِ بطحا کہوں تُجھے |
| کھلتے ہیں شاخ دید پہ گُلہائے آرزو |
| شیؔدا رسولِ پاکؐ کا شیدا کہوں تُجھے |
| *علی شیؔدا* |
معلومات