| مِنّتیں کرنے سے اس کو بھول جانا ٹھیک ہے |
| تاکہ وہ بھی جان لے پیچھا چھڑانا ٹھیک ہے |
| روٹی کھانے کو نہیں اور برتھ ڈے کا شوق ہے |
| ان کو پیدائش نہیں برسی منانا ٹھیک ہے |
| گرچہ پہلی سی رفاقت تو نہیں پھر بھی ذرا |
| گاہے گاہے راہ میں ملنا ملانا ٹھیک ہے |
| دوستی ہے سب رقیبوں سے مری اے جانِ مَنّ |
| جو جلے اس بات سے اسکو جلانا ٹھیک ہے |
| ذہن کی یادوں میں جو تصویر ہے وہ تم نہیں |
| اسلئے تم سے مرا دامن چھڑانا ٹھیک ہے |
| زندگی کی دوڑ میں جس نے تمہیں دھوکے دئے |
| بھَولنا احسن ہے پر بدلہ چکانا ٹھیک ہے |
| دوستوں کی قدر کرنی چاہئے دل جان سے |
| روٹھ جائے کوئی تو جا کر منانا ٹھیک ہے |
| شوق ہے گانے کا لیکن ہوں نہایت بے سُرا |
| ہاں مگر امید تھوڑا گنگنانا ٹھیک ہے |
معلومات