| نصیحت |
| حمدِ اللہ سے ہے ہر اک ابتدا |
| ہر شے اللہ کی ہی کرتی ہے ثنا |
| آخری مرسل محمد جن کا نام |
| رحمتیں ان پر خدا کی صبح و شام |
| تو نصیحت میری اے نادان مان |
| اتباعِ شرع تُو کر آن آن |
| اس جہاں کی عارضی ہے دھوم دھام |
| آخرت کے واسطے کر کوئی کام |
| زیست دنیا کی متاعِ دھوکہ ہے |
| اس جہاں کی بس حقیقت موت ہے |
| یہ جہاں تیرا ٹھکانہ مختصر |
| قبر اے نادان تیرا اصلی گھر |
| جمعِ زر میں رہتا تو ہر دم مگن |
| چھوڑ جائے گا تو دنیا میں یہ دھن |
| عیش و عشرت چھوڑ جائے گا یہاں |
| کام یہ دولت نہ آئے گی وہاں |
| تو اے غافل رب کی نافرمانی چھوڑ |
| جھوٹ غیبت چغلی سے منہ اپنا موڑ |
| نفس و شیطاں کے تُو دھوکے میں نہ آ |
| مصطفی سے اپنے کی لو لگا |
| چھوڑ دے خلقِ خدا پر کرنا ظلم |
| ورنہ دوزخ میں جلے گا تیرا جسم |
| فرض و واجب وقت پر کرنا ادا |
| ورنہ اس کی سخت پائے گا سزا |
| تو مدد کرنا خدائی کی سدا |
| راضی ہوں گے مصطفی، ان کا خدا |
| پاک رکھنا تم سدا اپنی نگاہ |
| تم نہ کرنا آخرت اپنی تباہ |
| تم پہ ہیں اسلام کی یہ سب قیود |
| تو نہ توڑ اسلام کی ناداں حدود |
معلومات