| تجھ پر نثار میرے گھر بار یا حبیبی |
| مُجھ کو بُلالیں اپنے دربار یا حبیبی |
| زاہد نہیں، نہ ہمت، عالی خیال کی ہے |
| یہ عجز سے ہے میرا، اقرار یا حبیبی |
| کونین میں وسیلہ تیری ہے ذات ہادی |
| فکریں دلِ حزیں ہیں، آزار یا حبیبی |
| طالب ہوں رحمتوں کا فضل و کرم ہو آقا |
| لِتھڑا گناہ سے ہوں ہر بار یا حبیبی |
| رہتا پریشاں ہوں میں، ہے ناقصی جو اپنی |
| کر دیں کرم حزیں پر سرکار یا حبیبی |
| اے کاش یہ جبیں پھر، بابِ سخا پہ پہنچے |
| کچھ اور اب نہیں ہے درکار یا حبیبی |
| در مُصطفیٰ پہ جاؤں، آنے کے بعد، جاؤں |
| غایت ہو زندگی کی دربار یا حبیبی |
| تشریف لائیں آقا خانہ غریب میں بھی |
| عجز و نیاز سے ہے اسرار یا حبیبی |
| پلّے میں کچھ نہیں ہے اور دور ہوں وطن سے |
| لیکن ہیں آپ میرے مُختار یا حبیبی |
| رحمت کے گھیرے میں ہیں کونین کے کراں سب |
| فضل و کرم ہیں تیرے بسیار یا حبیبی |
| محمود سب سے عاجز تیرا ہے اُمتی جاں |
| محشر میں دیں نہ طعنہ اغیار یا حبیبی |
معلومات