| بابِ عطا انہی پہ ہویدا کیا گیا |
| جن کا نبی کے فیض میں حصہ کیا گیا |
| ہستی خدا کے حکم سے آئی وجود میں |
| جس کا نبی کے نور سے اجرا کیا گیا |
| آدم جہاں میں دیکھئے آئے نہ تھے ابھی |
| پہلے انہیں نبی پہ ہے شیدا کیا گیا |
| جبریل سے جو تارہ ہے دیکھا گیا حسیں |
| کس نور سے ہے اس میں اجالا کیا گیا |
| میثاق کی نشست ہو یا حشر کا قیام |
| ذکرِ حبیب دہر میں بالا کیا گیا |
| سب پر ہوا عیاں ہے یہ شانِ بلال سے |
| بندہ نبی کے عشق میں مولا کیا گیا |
| پتھر رکھے ہیں پیٹ پہ فاقہ ہے خانہ میں |
| پھر بھی نعیمِ خلد کو صدقہ کیا گیا |
| راہیں نبی کے نور سے روشن ہوئی ہیں یوں |
| جنت کے رستے کو ہے کشادہ کیا گیا |
| کون و مکان ہیں سجے لطفِ حبیب سے |
| لولاک کہہ کے سب کو ہے اعلی کیا گیا |
| شفقت حضور سے ہے یہ ہر اک جہان پر |
| رحمت کو ہے دہر میں جو اولا کیا گیا |
| محمود کامرانیاں قدموں میں خود گریں |
| گر مصطفی کو جان سے اولیٰ کیا گیا |
معلومات