| مدینے کے گلشن دکھا میرے مولا |
| ہو فدوی پہ تیری عطا میرے مولا |
| مدینے سے آئے خبر دلربا کی |
| جو دیتی ہے دل کو جِلا میرے مولا |
| میں چاہوں بقع سے اٹھوں روزِ محشر |
| مدینے میں دینا قضا میرے مولا |
| امر ہو خدایا یہ جینا دہر کا |
| ملے پھر مجھے یوں بقا میرے مولا |
| کرے نورِ یزداں درخشاں یہ راہیں |
| ضحیٰ سے میں مانگوں ضیا میرے مولا |
| سجائیں شب و روز یادیں نبی کی |
| اُنہی کی کرے دل ثنا میرے مولا |
| یہ مجرم کے دل سے ندا ہے خدایا |
| رہے دور مجھ سے بلا میرے مولا |
| رہیں در گزر سارے میرے زیاں بھی |
| ہے محمود کی یہ دعا میرے مولا |
معلومات