| محبت یہ سکھاتی ہے |
| عداوت یہ مٹاتی ہے |
| یہ ہے اردو زباں یارو |
| دلوں میں جو سماتی ہے |
| عداوت اس سے کیوں کرنا |
| محبت یہ لٹاتی ہے |
| اخوت ہے سبق اس کا |
| دلوں کو یہ ملاتی ہے |
| حسیں اخلاق ہے بنتا |
| روش کو یہ سجاتی ہے |
| ثقافت کی یہی تو جاں |
| مہذب یہ بناتی ہے |
| فصاحت کے بلاغت کے |
| یہی جوہر دکھاتی ہے |
| لطافت کے نفاست کے |
| ہاں یہ گوہر لٹاتی ہے |
| سلاست سے حلاوت سے |
| بیاں شیریں بناتی ہے |
| بڑی پیاری زباں ہے یہ |
| دلوں کو جو ملاتی ہے |
معلومات