| کہی اس نے وہی تھی جو سنی کیا؟ |
| میں لگتی ہوں اسے کوئی پری کیا؟ |
| میں تجھ بن تو کبھی اپنا نہ سوچوں |
| بھلا جینے کی ایسی بھی پڑی کیا ؟ |
| سحر میں اس کے پیچھے جا رہی ہوں |
| گھمائی اس نے جادو کی چھڑی کیا؟ |
| لگن مجھ سے نہیں اس کو رہی کیا |
| ابھی یہ بات تھی اس نے کہی کیا؟ |
| نظر اس کو نہیں آتی کبھی بھی |
| مری آنکھوں میں پھیلی یہ نمی کیا؟ |
| بہت دکھ دے دیا دنیا نے مجھ کو |
| ہے اک مجھ سے ہی اس کو دشمنی کیا؟ |
| یہ میں کیوں بھول بیٹھی علم سارا |
| رہی مجھ کو نہیں ہے آگہی کیا؟ |
معلومات