| کیا خوشبو لا رہی ہیں بطحا سے یہ ہوائیں |
| سپنوں میں آ رہی ہیں اُس خُلد کی فضائیں |
| یہ منتظر ہیں آنکھیں دیکھیں گلی نبی کی |
| وہ جب نظر میں آئے کونین ہم بھلائیں |
| بَن خاک شہرِ بطحا چشمِ نمی میں سرمہ |
| ذرے ہوا جو لائے ہم آنکھ میں لگائیں |
| کیا دیں دلوں کو راحت اس شہر کے نظارے |
| باغیچے سارے اس کے منظر عجب دکھائیں |
| بے کل دلِ حزیں ہے یادِ مدینہ آئی |
| میری امیدیں مجھ کو سپنے حسیں دکھائیں |
| تعریف حسنِ بطحا ہر دل میں ہو رہی ہے |
| پیارے نبی کے نغمے اک ساتھ مل کے گائیں |
| جنت ستونوں والی مسجد نبی میں مولا |
| وہ مصطفیٰ کے صدقے آنکھوں کو اب دکھائیں |
| میری یہ آنکھ دیکھے شہرِ نبی میں رونق |
| یہ عرض ہے پیا سے عاصی مدینے آئیں |
| بطحا عزیز مجھ کو محبوب کے کرم سے |
| اے کاش سارے ہم بھی مل کر ادب سے جائیں |
| آراستہ کریں من یادیں مدینے والی |
| جب دل میں میرے آئیں یہ سینے کو سجائیں |
| اے بادِ شہرِ جاناں یہ التجا ہے لے جا |
| کہنا حضور سے یہ محمود در پہ آئیں |
معلومات