یوں جو پل پل بدل رہا ہوں میں |
تیری جانب ہی چل رہا ہوں میں |
مجھ کو پھینکا ہے گھر سے باہر کیوں |
گر مصیبت کا حل رہا ہوں میں |
تلخ میری زبان ، ہے سچی |
گولی کڑوی ، نگل رہا ہوں میں |
آگ کب کب نہیں لگائی گئی |
کون کہتا ہے جل رہا ہوں میں |
تجھ سے ملنے کی آس رکھتا ہوں |
بس تری رہ پہ چل رہا ہوں میں |
ہوں بھکاری کھڑا ترے در پر |
تیرے ٹکڑوں پہ پل رہا ہوں میں |
قُرب سے شعلہ پیار کا بھڑکا |
رفتہ رفتہ پگھل رہا ہوں میں |
طارق اس اجنبی سی دنیا میں |
بس کوئی چار پل رہا ہوں میں |
معلومات