| رواں اپنی رحمت کا میزاب کر دے |
| سبھی تشنہ روحوں کو سیراب کر دے |
| تلاشِ ہدایت میں ہوں بے قرار اب |
| دل اس جستجو میں یوں بے تاب کر دے |
| منوّر خرد ہو ، نگہ دور بیں ہو |
| دلوں پر عیاں اپنا مہتاب کردے |
| نہ ہو یہ کہ گرد و غبار ان کو ڈھانپے |
| جو لعل و گہر سارے نایاب کر دے |
| مریضوں کی خاطر طبیب اس نے بھیجا |
| جو بیماریوں سے شفا یاب کر دے |
| سفینے میں سب نوح کے آ کے بیٹھیں |
| یہ بچ جائیں ختم ان کے سیلاب کر دے |
| دعاؤں میں جو ناخدا کی اثر ہو |
| تو رستے کے سب دُور گرداب کر دے |
| ترے باغ کے ہو گئے خشک بُوٹے |
| مرے نالۂ شب سے شاداب کر دے |
| ہے طارق کی در پر ترے آہ و زاری |
| کہ اب ان کی بخشش کے اسباب کر دے |
معلومات