| گیت الفت کا زمانے کو سنایا ہے یہاں |
| ہم نے اپنی خواہشوں کا خوں بہایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آپ دانائی کی باتیں کر رہے ہیں کیوں بھلا |
| دشت زادوں کو بھی الفت نے نچایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم نے دنیا میں ہے کی کچھ روشنی تقسیم یوں |
| خوں سے اپنے ہر دیا ہم نے جلایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بے بسی سے چھوڑ کر جانا پڑے گا ایک دن |
| کتنی چاہت سے کسی نے گھر بنایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شعر لکھے ہیں کسی جھرنے پہ جا کر ہجر پر |
| یاد تیری نے ہمیں جب بھی ستایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دل نہیں لگتا کسی بھی کام میں اب تو مرا |
| دل کی دھڑکن تیز ہے وہ جب سے آیا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جب سے دیکھا ہے پری پیکر کو میں نے دوستو |
| جھیل کا منظر ہی آنکھوں میں سمایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میں تو خالی ہاتھ ہی آیا تھا جاؤں گا بھی یار |
| سوچتا ہوں کیا ہے اپنا کیا پرایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس طرح آہ و فغاں کرتا ہے کوئی کیا بھلا |
| سر پہ کس نے آسماں دیکھو اٹھایا ہے یہاں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| عکس ابھرا ہے مرا مانی پھر اُس کی آنکھ میں |
| ہاتھ اس نے جوتشی کو جب دکھایا ہے یہاں |
معلومات