| دیکھ کر مجھ کو انہیں یکدم پسینہ آ گیا |
| اپنی حالت یہ کہ اک مُردے کو جینا آ گیا |
| عشق کی دشوار گھاٹی پر پھٹے ملبوسِ تن |
| گرچہ ہم درزی نہ تھے پر چاک سینا آ گیا |
| یہ ہماری کم نصیبی تھی کہ رندوں کی دعا |
| کل ہی چھوڑی تھی کہ ساون کا مہینہ آگیا |
| ایک لمبا عرصہ دنیا میں گزر جانے کے بعد |
| آخری ہچکی پہ جینے کا قرینہ آ گیا |
| ہر کہیں رسوائی و ذِلّت سے ہیں دو چار ہم |
| ناخدا غائب ہے گردش میں سفینہ آ گیا |
| محض بینائی نہیں یہ معجزاتِ عشق ہیں |
| بند آنکھوں سے بھی جب دیکھا مدینہ آ گیا |
معلومات