| پھول نے پھول سے کہا خوشبو |
| ساتھ رہتی نہیں سدا خوشبو |
| سر تا پاؤں کہ تُو معطر ہے |
| تجھ سے ظالم تری ادا خوشبو |
| خوشبو گُل ہے کہ گُل نما خوشبو |
| با وفا ہے کہ بے وفا خوشبو |
| پھول سے تُو نے کیا کِیا خوشبو |
| آنکھ بھنورے سے لی مِلا خوشبو |
| روٹھ کر پھول سے نہ جا خوشبو |
| پھول تیرا ہے با خدا خوشبو |
| پھول آخر ترا تبسم ہے |
| یوں نہ ہو پھول سے جدا خوشبو |
| پھول شاخوں پہ سوکھ جائیں گے |
| اوڑھ کافور کی رِدا خوشبو |
| درد تنویر کا اثاثہ تھا |
| چھین کر لے گئی ہوا خوشبو |
| تنویرروانہ |
معلومات