| گھٹا کالی یہ ٹل جائے اگر تم ملنے آ جاؤ |
| یہ ٹوٹا دل سنبھل جائے اگر تم ملنے آ جاؤ |
| میں لب کھولوں تو میرے منہ سے انگارے برستے ہیں |
| مرا لہجہ بدل جائے اگر تم ملنے آ جاؤ |
| تمہاری راہ میں آنکھیں بھی پتھر ہو گئیں میری |
| یہ پتھر بھی پگھل جائے اگر تم ملنے آ جاؤ |
| تمہارے بعد بس تاریکیاں اپنا مقدر ہیں |
| غموں کی رات ڈھل جائے اگر تم ملنے آ جاؤ |
| تمہیں دیکھے بنا راہِ عدم پر جا نہیں سکتا |
| سکوں سے جاں نکل جائے اگر تم ملنے آ جاؤ |
معلومات