| دکھا کے خود کو چھپانا تو کوئی بات نہیں |
| کسی پہ ظلم یوں ڈھانا تو کوئی بات نہیں |
| ملی ہے رفعتِ پرواز تو مبارک ہو |
| کسی کو پاؤں پہ رکھنا تو کوئی بات نہیں |
| اگر بلندی ہو مقصود خود بڑھو آگے |
| کسی کو نیچے گرانا تو کوئی بات نہیں |
| زمانہ جلتا ہے کیوں آتشِ رقابت میں |
| کسی کو دیکھ کے جلنا تو کوئی بات نہیں |
| خودی کو اچھا دکھانا تو خوب ہے لیکن |
| کسی کو نیچا دکھانا تو کوئی بات نہیں |
| یہ مانا آپ کا شاہؔی جہاں میں ثانی نہیں |
| مگر مجھے یوں ستانا تو کوئی بات نہیں |
معلومات