| رنگ بکھریں جو فلک پر وہ دھنک ہوتی ہے |
| ہُوک اُٹھتی ہے جو دل میں وہ کسک ہوتی ہے |
| وہ جو سونے نہیں دیتی شبِ تنہائی میں |
| اپنے پوشیدہ گناہوں کی کھٹک ہوتی ہے |
| شور ہوتا ہے مرے کانوں میں سنّاٹے سے |
| غور کرتا ہوں تو وہ دل کی دھڑک ہوتی ہے |
| خوف لاحق ہے سزا کا نہیں مائل بہ گناہ |
| جو بچا دیتی ہے شعلوں کی لپک ہوتی ہے |
| حرص تھی ہی نہیں جنّت کی کہ نیکی کرتا |
| میرا مقصد تو فقط اس کی جھلک ہوتی ہے |
| میں نے بھی سیکھ لیا تم سے معافی کا طریق |
| درگزر کر نے سے کیا میری ہتک ہوتی ہے |
| تُو عطا کرتا ہے اتنا نہ سنبھالا جائے |
| اور مانگوں بھی تو کیا مجھ کو جھجک ہوتی ہے |
| طارق اس دور میں سادہ ترے جیسے کم ہیں |
| ان کی تعداد تو آٹے میں نمک ہوتی ہے |
معلومات