| جب تک نحیف تن میں اے مولا یہ جاں رہے |
| مِدحت سراءِ سرورِ دونوں جہاں رہے |
| رحمت خدائے پاک کی سر پر عیاں ہو یوں |
| کرتی ثنائے جاناں ہی میری زباں رہے |
| جرم و گناہ میں گو ہیں پورے دبے ہوئے |
| بردے مگر نبی کے ہی ہر اک زماں رہے |
| ہر دم نبی کے روضہ پہ اپنی نظر رکھوں |
| چھایا سروں پہ رحمتوں کا آسماں رہے |
| یہ چندہ تارے مہر بھی جب تک ضیا رہیں |
| مدحت دہر میں سیدِ عظمت نشاں رہے |
| در آسماں کے باسی اور اہلِ زمین میں |
| جاری ثنائے دلبرِ دونوں جہاں رہے |
| محمود راہِ طیبہ کے راہییوں میں ہو |
| منزل پہ کاروان یہ دائم رواں رہے |
معلومات