| بجھے چراغ میں سحر تلاش کر |
| شگاف میں، چھپا ہے در تلاش کر |
| جو ہو گیا سو ہو گیا، تو غم نہ کر |
| نئی زمیں نیا سفر تلاش کر |
| دیار شوق میں غضب کی دھوم ہے |
| میں کھو گیا ہوں بے خبر تلاش کر |
| سمٹ رہی ہے زندگی گھڑی گھڑی |
| اسی گھڑی میں زندگی تلاش کر |
| سکون رکھ یقین کر میں ہوں وہیں |
| نہ اب مجھے ادھر ادھر تلاش کر |
| یہ عاشقی جنون ہے، جنوں میں اب |
| میں ہوگیا ہوں دربدر تلاش کر |
| سمجھ سکے جو روح کی بھی گفتگو |
| جوہو سکے تو وہ نظر تلاش کر |
| سحر ہوگی سورج ضرور نکلے گا |
| اندھیری شب میں دوپہر تلاش کر |
| بےحس کلیم |
معلومات