| آرزو دل میں فقط ہے کہ مدینہؐ دیکھوں |
| آس دیرینہ بھی تڑپائے کہ روضہؐ دیکھوں |
| زیست میں راضی کروں ربﷻ کو بھی محبوبؐ کو بھی |
| جنت الماوی کو پھر اپنا ٹھکانہ دیکھوں |
| پوری ہو جائے خدایا ﷻ یہ تمنا میری |
| "کاش میں خواب میں سرکارؐ کا جلوہ دیکھوں" |
| باندھ لوں رخت سفر شہر مقدس کا میں |
| رحمتیں رب ﷻ کی برستی وہ طیبہؐ دیکھوں |
| دل میں ہے تیرگی سے گرد جہاں کا ڈیرہ |
| ظلمت رنج میں عرفان و اجالا دیکھوں |
| مال و زر چاہوں نہ الماس و نگینے چاہوں |
| جستجو بس یہی ہے گنبد خضریؐ دیکھوں |
| صدقہ ء شاہ امم ؐ پائے زیارت ناصؔر |
| ہے دعا اوج سعادت پہ نصیبہ دیکھوں |
معلومات