| کس لیئے ڈھونڈتا پھرتا ہے کنارے یاسر |
| عشق کرنا ہے تو پھر چھوڑ سہارے یاسر |
| درد سے تیرا تو رشتہ ہے پرانا پاگل |
| تُو سمجھتا ہے سبھی اسکے اشارے یاسر |
| اب جو روتا ہے مُیسر نہیں آئے تُجھ کو |
| بول کب تھے وہ ذرا سے بھی تمھارے یاسر |
| ہجر تو اور بھی چاہت کو ہوا دیتا ہے |
| عشق نگری میں بھلا کیسے خَسارے یاسر |
| چند لمحوں کی بھی دُوری کرے دیوانا مزید |
| تیرے غم روح میں اس طرح اُتارے یاسر |
| شعر جو وَصل کے لمحوں میں تراشے تُجھ پر |
| صدیوں بیٹھا اُنہی شعروں کو سنوارے یاسر |
| من کے آنگن میں ہے مہکار اُنہی کے باعث |
| ہائے بچھڑے ہوئے وہ لوگ ہمارے یاسر |
| دل تو کرتا ہے فراغت ہو زمانے بھر سے |
| تیری یادوں میں سبھی عمر گزارے یاسر |
| حق محبت کا ادا پھر بھی نہ ہو گا اِس سے |
| ساری خوشیاں تیری نعلین پے وارے یاسر |
معلومات