| ابھی تو شوقِ سفر میں روانی باقی ہے |
| ہمارے دل میں نئی اک کہانی باقی ہے |
| نہ وقت چھین سکا حوصلوں کی تابانی |
| ابھی نگاہ میں وہ ضوفشانی باقی ہے |
| بدل گئے ہیں زمانے کے رنگ کتنے ہی |
| مگر مزاج میں اپنے جوانی باقی ہے |
| جمی ہے گردِ زمانہ اگرچہ چہرے پر |
| مگر ضمیر کی اب بھی نشانی باقی ہے |
| کبھی تو دھوپ بھی رستہ بدل کے آئے گی |
| ابھی تو صبح کی اک شادمانی باقی ہے |
| اگرچہ راہ میں حائل ہیں مشکلیں لیکن |
| ابھی تو رب کی بڑی مہربانی باقی ہے |
| ہوا کے ساتھ چراغوں نے جنگ جاری رکھی |
| ابھی تو لو میں وہی سرگرانی باقی ہے |
| نہ ہم نے وقت کے آگے کبھی جھکایا سر |
| ابھی لہو میں وہی حکمرانی باقی ہے |
| یہی تو عشق کی معراج ہے کہ دوری میں |
| کسی کے نام کی اب تک نشانی باقی ہے |
| بہت سے لوگ بچھڑ کر بھی ساتھ رہتے ہیں |
| وفائے عہد کی اب پاسبانی باقی ہے |
| ابھی نہ دلؔ یہ سمجھنا سفر تمام ہوا |
| تمہارے حصے کی اک زندگانی باقی ہے |
معلومات