| تُم نے اِک تَرْمِیم سے بَرباد کر کے رَکھ دیا!!! |
| —— |
| تُم سے پہلے بھی جو آئے اِک سے بڑھ کر ایک تھے |
| سَب اَنوکھے لاڈلے کھیلا کیے دَستُور سے |
| اور ہم یہ سَب تماشہ دیکھتے تھے دُور سے |
| وہ جو ہوتا آ رَہا تھا مُخْتَلِف ادوار میں |
| تُم نے تو آتے ہی سَب مِہمِیز کر کے رَکھ دیا |
| جو تُمھارے پیش روؤں میں کوئی نَہ کر سَکا |
| تُم نے تو اُس کام کو بھی تیز کر کے رکھ دیا |
| صَبر کا پَیمانَہ جو لَبریز ہوتا ہی نَہ تھا |
| تُم نے وہ پَیمانَہ بھی لَبریز کر کے رکھ دیا |
| آفریں! صَد آفریں!! اُن سَب سے جو نَہ بَھر سَکا |
| تُم نے اُس پیمانے کو یَکمُشت بَھر کے رَکھ دیا |
| پہلے جِس دَستُور پَر تھے چاروں صُوبے مُتفق |
| جس کی بَربادی میں اوروں کو تو عَشرے لگ گئے |
| تُم نے اِک تَرْمِیم سے بَرباد کر کے رَکھ دیا |
| (مرزا رضی اُلرّحمان) |
معلومات