| کیا محبّت سبق سکھاتی ہے |
| زندگی جب بھی آزماتی ہے |
| تم مرے پاس آ کے بیٹھو تو |
| دل کو اک بات یاد آتی ہے |
| تیری آواز کا کہوں میں کیا |
| خامشی بھی غزل سناتی ہے |
| تیری آنکھوں میں دیکھ لیتا ہوں |
| وہ جو دنیا نہیں دکھاتی ہے |
| تیرا ہنسنا کمال کرتا ہے |
| ایک دنیا بدل سی جاتی ہے |
| دیکھتا ہوں تجھے کَنَکھیوں سے |
| دل سے یوں دل تلک تو جاتی ہے |
| فاصلے تجھ سے دور کیسے کریں |
| یاد تیری قریب لاتی ہے |
| طارق اس کو بھلا نہ پاؤں گا |
| نام پر جس کے سانس آتی ہے |
معلومات