| ضمیرِ دہر تک جانے نبی کی ذاتِ عالی ہے |
| نویدِ حق انہی سے ہے خبر میں جو مثالی ہے |
| یہ سمجھے حجر اے ہمسر نبی کی بات سننی ہے |
| پتا ہے باغ کو بھی یوں جو جانے مرغ و مالی ہے |
| سنائیں امرِ قُل آقا حقیقت ہے جو ہستی کی |
| کرے بندوں کو جو مولا ملے فخرِ بلالی ہے |
| یقیں ہے کل جہانوں میں پیامِ جاں صداقت ہے |
| ملی خیرات جو اُن سے دہر میں وہ نرالی ہے |
| گواہی دل سے کافر دے کتاب اللہ خدائی ہے |
| حقیقت حق سے ثابت ہے جہاں جس کا سوالی ہے |
| بلایا اُن کو قادر نے میانِ مجلسِ پاکاں |
| بنا میلادِ احمد کی خدا نے ایسے ڈالی ہے |
| ہوا اعلاں نبوت کا جہانِ لا مکاں اندر |
| بتایا جس نے نبیوں کو وہ خود ذاتِ جلالی ہے |
| نبی پیارے کے رتبے کو سجائے قادرِ مطلق |
| یہ ذاتِ مصطفیٰ ہمدم جہانوں میں نرالی ہے |
| پیامِ خاص سے ہادی حریمِ ناز میں آئے |
| سواری تھی جو سرور کی بڑی وہ ناز والی ہے |
| کہو محمود آقا ہیں خلق میں قاسمِ نعمت |
| کہاں مولا نے دلبر کی کبھی بھی بات ٹالی ہے |
معلومات