| ہے عجب بات کہ تو نے ہے گزارا ہم کو |
| زندگی تیرے رویے نے ہے مارا ہم کو |
| ہم نے جس شوقِ تمنا سے تجھے دیکھا تھا |
| تو نے اپنوں کی طرح کب ہے پکارا ہم کو |
| وہ جو تحلیل ہوا تجھ میں زمانہ پہلے |
| وہ کبھی مل نہ سکا شخص ہمارا ہم کو |
| وہ ہی بےربط کیے رکھتا ہے اکثر مجھ کو |
| جس نے ترتیب سے رکھنا تھا اے یارا ہم کو |
| تو بھی کس طور سے گزری ہے پرائی ہو کے |
| زندگی تجھ سے ہی شکوہ ہے یہ سارا ہم کو |
| کھو گیا گر وہ خیالوں سے تو پھر کیا ہو گا |
| تیری یادوں کا جو رہتا ہے سہارا ہم کو |
| عشق تیرے سے ہے میرا جہاں روشن روشن |
| ہجر تیرے نے شب و روز نکھارا ہم کو |
| ہم نے الفت کے تقاضے تو نبھائے سارے |
| کیوں کبھی مل نہ سکا ساتھ تمھارا ہم کو |
| ہم کو تسکین سی رہتی ہے تری یادوں میں |
| مل نہ جانا کہیں راہوں میں خدارا ہم کو |
| تو ہمایوں سے جو جیتا بھی تو کیسے جیتا |
| تجھ کو معلوم کہاں ہے کہ تو ہارا ہم کو |
| ہمایوں |
معلومات