| گھٹائے مدینہ شہا مانگتا ہوں |
| میں شہرِ نبی سے ہوا مانگتا ہوں |
| کرم ہو حبیبی ہے فریاد میری |
| جو بینا کرے دل ضیا مانگتا ہوں |
| مدینے میں شام و سحر گزریں میرے |
| ہمیشہ وہ نوری فضا مانگتا ہوں |
| بلالیں مدینے حزیں کو نبی جی |
| نہیں کچھ جو اس کے سوا مانگتا ہوں |
| عطا ہو کریمی نواسوں کے صدقہ |
| میں روضے کے منظر سدا مانگتا ہوں |
| سنہری وہ جالی نظر دیکھے میری |
| سدا یہ نظارے پیا مانگتا ہوں |
| ملے گر نبی کی گلی میں بسیرا |
| ہو سب کا بھلا اے شہا مانگتا ہوں |
| ٹھکانہ ہو محمود شہرِ مدینہ |
| یہ ہی رات دن میں دعا مانگتا ہوں |
| * |
معلومات