| خالی گھر بار سے باتیں کیں |
| لگ کے دیوار سے باتیں کیں |
| تیرے چلے جانے کے بعد |
| تیری گفتار سے باتیں کیں |
| ہم تیغ زنی کریں لفظوں کی |
| اس نے تلوار سے باتیں کیں |
| آنکھوں میں اجل کی ڈال آنکھیں |
| منصور نے دار سے باتیں کیں |
| سونے کی کرن کے تعاقب میں |
| رُت کی رفتار سے باتیں کیں |
| تری اک خاموش جھلک خاطر |
| ترے پہرے دار سے باتیں کیں |
| کُچھ جو اِس پار بھی چُپ ہی رہے |
| کُچھ نے اُس پار سے باتیں کیں |
| تم نے خوں میرے بھرم کا کیا |
| جب اُس عیّار سے باتیں کیں |
| ہاں اِبنِ خطّاب ؓ نے بینِ خِطاب |
| ساریہ سالار سے باتیں کیں |
معلومات