| روکا گیا ہے اس لئے لشکر غدیر میں |
| تکمیلِ دیں کا دیکھ لیں منظر غدیر میں |
| نظروں میں حاجیوں کا سمندر غدیر میں |
| جن و ملک بھی رک گئے آکر غدیر میں |
| تاجِ ولا دیا ہے علی ع کو نبی ص نے آج |
| جو ہے سجا امام ع کے سر پر غدیر میں |
| کفار کے گلے میں ہے ہڈی بنا ہوا |
| مَن کُنتُ کا یہ قولِ پیمبر ع غدیر میں |
| بغضِ علی ع کو دل میں لئے تھے جو اہلِ کیں |
| مَن کُنتُ سن کر آیا ہے چکر غدیر میں |
| کھنچ کھنچ کہ جنتیں بھی چلی آئیں دیکھنے |
| اہلِ ولا کی عید کا منظر غدیر میں |
| کنکریاں ابرہا پہ ابابیلوں سے گریں |
| حارث پہ چرخ سے گرا پتھر غدیر میں |
| حجت بِنا ہے چھوڑا نہ اللہ نے نظام |
| حجت خدا کی دیکھو ہیں حیدر ع غدیر میں |
| خنجر جو ہے بنا ہوا صائب کا یہ قلم |
| کفار پر چلا ہے یہ خنجر غدیر میں۔ |
معلومات