| جانِ دو عالم سید و سرور |
| پیارے نبی کونین کے دلبر |
| ہستی اُن سے ساری ہے جھل مل |
| روشن اُن سے اوجِ پہ اختر |
| گنج سخا ہیں نور و ضیا ہیں |
| بانٹیں سدا جو فیض کے دفتر |
| اُن سے جگ مگ عالمِ ہستی |
| پاک ہیں جو کونین میں طاہر |
| عرش سجائیں آپ کے جلوے |
| خرد نہ سمجھے نوری پیکر |
| ہستی کی جاں جانِ لطافت |
| ذاکر و شاکر حاضر و ناظر |
| حاصل جس کو اُن کی غلامی |
| روشن جانیں اُس کے مقدر |
| گھبرایا محمود تو کیسے |
| تیرے نبی سلطان ہیں دلبر |
معلومات