| چاہتا تھا وہ فرشتوں سا صنم |
| سو گنہگاروں پہ کیا کرتا کرم |
| بد نصیبوں کے مقدر میں کہاں |
| جلوہ ئے حُور و پری باغِ اِرَم |
| خاک کرتا عشق ہم سے وہ حسیں |
| آسماں تھے اس کے آگے سرِ خم |
| کاتبِ تقدیر نے بھی لکھ دیا |
| کس سیاہی سے مِرا بخت و کرم |
| رو رہے ہو بے بسی پر اتنا کیوں |
| کس کو یاں ملتا نہیں درد و الم |
| حوصلہ رکھ ٹھیک ہو جائے گا سب |
| آتے رہتے ہیں بقا میں پیچ و خم |
| ابھرو گے اک روز سورج کی طرح |
| ہوں گے پابند آپ کے لوح و قلم |
| سوز سے زیدؔی نہ خالی رکھنا دِل |
| کام آئے گا یہ تیرے ہر قدم |
معلومات