| گلی ہے یار کی پر ، ہم زباں نہیں ملتا |
| دکھوں کے شہر میں اب رازداں نہیں ملتا |
| کھڑا ہوں دھوپ میں جلتے ہوئے زمانے کی |
| شجر کا سایہ مجھے سائباں نہیں ملتا |
| رکھوں کہاں پہ غموں کی لدھی ہوئی گٹھڑی |
| مجھے تو گھر ، کبھی اپنا مکاں نہیں ملتا |
| کروں بھی کیسے میں اب اعتبار دنیا کا |
| ہزار پردے ہیں چہرہ عیاں نہیں ملتا |
| ہے رت بہار کی لیکن خزاں کے موسم میں |
| گلستاں گل کو جو اک باغباں نہیں ملتا |
| نگاہیں ڈھونڈتی رہتی ہیں آسمانوں میں |
| مجھے خدا کوئی ، کیوں مہرباں نہیں ملتا |
| عذاب کم نہیں شاہد ملی محبت کا |
| کہ آستینوں پہ خوں کا نشاں نہیں ملتا |
معلومات