| کیا خوب ہے جنت سے کچھ یاد وہ نقشہ ہے |
| جو شہرِ نبی میں ہے مسجد میں وہ روضہ ہے |
| کیا خوب ملی عظمت مولا سے مدینے کو |
| بستانِ مدینہ میں ہر پھول شگفتہ ہے |
| کل حسن و جمال اُن کا ہر پہلو میں ہے اعلیٰ |
| جو دہر کرے روشن اس حسن سے جلوہ ہے |
| اس روپ پہ رکھے ہیں مولا نے بڑے پردے |
| ہستی میں حسن سارا اس روپ سے رفتہ ہے |
| کونین میں ہر منظر کرتا ہے ثنا اُن کی |
| جو کچھ ہے نظر میں وہ اک نعت میں مصرعہ ہے |
| ہے نورِ جمال اُن کا ہستی میں نظر آتا |
| اُس ذاتِ مقدس کا دارین میں چرچہ ہے |
| کونین کے سر پر ہے ہر آن کرم اُن کا |
| ہر ایک فدا اُن پر ہر حال میں خندہ ہے |
| محمود عطا جس کی تسکینِ دل و جاں ہے |
| اُس جانِ جہاناں سے ہر جان کو رستہ ہے |
معلومات