| مدحت نبی بیاں ہے اوصافِ کبریا |
| اعلیٰ ہے کامگاری توصیفِ مصطفیٰ |
| مولا کے کرم کی ہے تعمیم جس جگہ |
| وہ جان لیں جہاں میں ہے، فاراں کی فضا |
| مقصودِ دل ہے جس کا، بطحا میں آشیاں |
| لا ریب وہ جہاں میں، جاں باز ہے رہا |
| اس کی نظر کے ہستی زیرِ قدم رہی |
| پیارے حبیب کا جو، مدحت سرا بنا |
| ظاہر ہوا ہے آیہء النجم سے یہ بھید |
| قادر نے مصطفیٰ کو صاحب دنیٰ کیا |
| کامل نبی ہیں میرے خلقِ خدا میں خاص |
| خُلقِ عظیم اُن کو قرآن نے کہا |
| محمود دینِ حق ہے چاہت حبیب کی |
| گر ہے وسیلہ اُن کا پھر ہی ملے خدا |
معلومات