| اے امامِ اہلِسنت ، اے امام احمد رضا |
| نائبِ شارع شریعت ﷺ، اے امام احمد رضا |
| اے عقائد کے محافظ، پاسباں اہلِ سنن |
| اے امامِ دین و ملت ، اے امام احمد رضا |
| روح کو میری جلا دو اور رِضا پر ثبت بھی |
| دور ہو اب دل کی ظلمت ، اے امام احمد رضا |
| علمِ کامل سے مجھے بھی اب نوازوں سیدا |
| رہبرِ راہِ شریعت ، اے امام احمد رضا |
| کیجیے راہِ طریقت کا مجھے بھی شہسوار |
| ماہرِ راہِ طریقت ، اے امام احمد رضا |
| پھر سکھا دو معرفت کے جام کا پینا مجھے |
| عارفِ سِر اور حکمت، اے امام احمد رضا |
| دو شرف علمِ حقیقت کا مجھے بھی سیدا |
| عالمِ علمِ حقیقت ، اے امام احمد رضا |
| نفس و شیطاں سے بچا کر قرب میں دے دو جگہ |
| صاحبِ من، جاہ و عزت ، اے امام احمد رضا |
| دو عقیدہ غوث و خواجہ اور تمھارا ،دلربا |
| صاحبِ رشد و ہدایت، اے امام احمد رضا |
| زوج میں میرے رہے ہر دم وفا اور اتحاد |
| دائمی اب ہو محبت، اے امام احمد رضا |
| ہو عطا ایقانِ کامل اور ملے ایمان بھی |
| اور عطا ہو استقامت، اے امام احمد رضا |
| عشق میں تیرے فنا ہو جاؤں میں اے دلربا |
| اور ملے تیری رفاقت، اے امام احمد رضا |
| نور ہوں تیرا تجھی سے کرتا ہوں راز و فغاں |
| تیری ہو مجھ کو زیارت، اے امام احمد رضا |
| سگِ رضا نور علی عطاری رضوی |
| 9 جنوری 2025 |
| 8 رجب المرجب 1446ھ |
معلومات