| عدم سے ہست میں لاتا |
| نہیں خود سامنے آتا |
| نظر آتا ہے قدرت میں |
| نہیں جلوہ کُناں آتا |
| ہے آتا قلبِ مومن میں |
| سمجھ میں کیوں نہیں آتا |
| لُغت کیا چھانٹتے ہو تم |
| وہ لفظوں میں نہیں آتا |
| وہ پر اِسرار ہے اتنا |
| کہ سالک خود ہے کھو جاتا |
| ہے آتا وقتِ مشکل خود |
| نہیں خوشیوں میں ہے آتا |
| ہمیں جولان گاہ بھیجا |
| ہے جنت کون اب جاتا؟ |
| ہے کہنے کو بڑا جابر |
| نظر ہے پر کَرم آتا |
| اگر سب خود بخود ہوتا |
| نَوِشتہ کیوں نظر آتا |
| میں سلجھاتا سبھی عُقدے |
| سِرا گر ہاتھ میں آتا |
| محمدﷺ آگہ ہیں رب سے |
| ِمِؔہر کو خاک ہے آتا |
| ----٭٭٭---- |
معلومات