| انداز اُس کی دھڑکنوں کا دل میں آ گیا |
| کچھ اس طرح سے وہ مرے دل میں سما گیا |
| دیکھا ہے اس کے حُسنِ تلطّف کو جس قدر |
| میرے دل و دماغ میں چہرہ وہ چھا گیا |
| تھکتی نہیں زبان مری اُس کے ذکر سے |
| کی جب بھی بات اس کا ذکر لب پہ آ گیا |
| کوشش تھی یہ زمانے کی مجھ سے رہے وہ دور |
| میں جس طرف گیا ہوں وہیں پر وہ آ گیا |
| معلوم ہو گا اُس کو دلِ مضطرب کا حال |
| وہ آیا میرے خواب میں تو مسکرا گیا |
| وہ مہرباں ہوا تو خدا مہرباں ہوا |
| دشمن نے جب یہ دیکھا تو وہ بوکھلا گیا |
| روشن ہوا ہے اس قدر چہرہ وہ نُور سے |
| جو اس کے سامنے گیا نوروں نہا گیا |
| طارق حیات و موت کی تھی اتنی داستاں |
| آیا یہاں میں پیار کیا اور چلا گیا |
معلومات