| یہ زندگی خدایا جب تک رواں رہے |
| صلے علیٰ حزیں کے وردِ زباں رہے |
| ہر آن ذکرِ دلبر مقصودِ کائنات |
| یہ یاد میرے اللہ دل میں جواں رہے |
| گزرے یہ زندگانی شہرِ کریم میں |
| مدحت حبیبِ داور میرا بیاں رہے |
| قرباں کروں میں سب کچھ خاطر حبیب کی |
| خدشہ نہ دل میں کوئی سودو زیاں رہے |
| قربان جان و دل ہے آلِ رسول پر |
| ایمان کا یہ پرتو بالکل عیاں رہے |
| روشن رکھیں دروں بھی انوارِ مُصطفیٰ |
| مدحت رسول کرتی دائم یہ جاں رہے |
| دشوار راہیں میری شیطان ہے عدو |
| امارہ نفس بھی ہے مولا اماں رہے |
| منہ زور نفس میرا مولا اماں رہے |
| محمود تو ہے بردہ آقا کریم کا |
| چاہوں کہ تجھ پہ راضی شاہِ زماں رہے |
معلومات