| میری زبان بند ہے ہر ایک کی نہیں |
| لوگوں کے لب پر آ گئی تو پھر رکی نہیں |
| اک عرصے بعد دیکھ کر ان کو مری نظر |
| ٹھٹکی تھی چند ساعتیں لیکن جُھکی نہیں |
| رندانِ بادہ خوار ہوں یا مفلس و غریب |
| سارے ستم رسیدہ ہیں کوئی سُکھی نہیں |
| ایٹم نے ہیرو شیما کو ویران کر دیا |
| اس سر زمیں پہ آج بھی روئیدگی نہیں |
| اُٹھتی ہیں روز لاشیں فلسطین و ہند میں |
| ندیاں ہیں خون کی ستم گر دل لگی نہیں |
| اس خِطّۂ زمین میں ہے ظُلم اسلئے |
| شِمر و یزید کافی ہیں ابنِ علی نہیں |
| تیرے بغیر آج بھی زندہ ہوں دیکھ لے |
| پر اپنی بدنصیبیاں اب تک ٹلی نہیں |
| امید اس جہان میں ان گِنت پھول ہیں |
| پر اکثر ان میں وہ بھی ہیں جن میں کلی نہیں |
معلومات