| سامنا کر رہا ہوں درپن کا |
| ساز سنتا ہوں کس کی جھانجن کا |
| یہ جو پردہ ہے تیرے آنگن کا |
| چاک ہے یہ کسی کے دامن کا |
| سانس کی ڈور سے جُڑا ہو جو |
| کیا بھروسہ ہے ایسے بندھن کا |
| چند گھڑیاں تھیں عیش و عشرت کی |
| لے گئیں چین جو ترے من کا |
| بھول بیٹھا تھا تُو جوانی میں |
| ہے بڑھاپا بھی حصّہ جیون کا |
| دل لگی کی نہ بات کر مجھ سے |
| مسئلہ اب ہے دل کی دھڑکن کا |
| جیسے تیسے گزار لی ہم نے |
| جانے کیا آگے ہو گا گلشن کا |
| ہم ملاقات کو چلے آئے |
| اک بہانہ ہے اس کے درشن کا |
| ہم نے طارق کہا ،جو سچ سمجھا |
| ہے یقیناً ، سبب وہ اَن بَن کا |
معلومات