| ظلم کی ظلمت نے تو اپنی وحشت کرتے رہنا ہے |
| ہم نے چراغِ فکر جلا کر محنت کرتے رہنا ہے |
| کوئی بھی مانے یا نہ مانے حق کے علم برداروں کو |
| سچ کی خاطر ہر باطل سے حجت کرتے رہنا ہے |
| شوقِ طلب جب جاگ اٹھا تو پاؤں کے چھالے کیسے |
| راہِ وفا میں خاک نشینو! ہجرت کرتے رہنا ہے |
| ہم کو بکھرنے کا کیا ڈر ہے سنگ تراشوں کی خاطر |
| ہم نے پتھر سے بھی تراش کے مورت کرتے رہنا ہے |
| شہرِ منافق طعنے مارے، تیر چلائے جو چاہے |
| اپنا کام تو یارو سب سے الفت کرتے رہنا ہے |
| چھین سکیں گے کب زنجیریں اُڑنے کا ارمان مرا |
| رہ کے قفس میں اب بھی پروں کو رفعت کرتے رہنا ہے |
| جب تک دم میں دم ہے ہم کو رسمِ جہاں سے ہٹ کر بھی |
| اہلِ قلم کی زندہ دلی کی بیعت کرتے رہنا ہے |
معلومات