| میں جہاں پر ہوں وہاں بہتر ہوں مَیں |
| یار اس کی روح کے اندر ہوں مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہاں کبھی تھا موم کا پتلا مگر |
| چھو کے مجھ کو دیکھ لے پتھر ہوں مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک تعلق ہے مرا بھی دشت سے |
| پوچھتے ہیں کیوں وہاں اکثر ہوں مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ان ہواؤں کے کھڑا ہوں سامنے |
| ان چراغوں کا سمجھ نوکر ہوں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سوچتا رہتا ہوں مَیں ہر پل یہی |
| آخرش اس دور میں کیونکر ہوں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اب کھڑا ہے میرے کہنے پر کوئی |
| اب کسی کے واسطے مندر ہوں مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| فون کر کے پوچھتا ہے مجھ سے وہ |
| راستے میں یا کہ پھر دفتر ہوں مَیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اب ہوں مانی میں نئے کردار میں |
| رہبری سونپی گئی رہبر ہوں مَیں |
معلومات