| لشکر سجا تو لب پہ دعا ہی رہی سدا |
| تلوار سے بلند وفا ہی رہی سدا |
| میدانِ کارزار میں بھی رحم کی ہوا |
| آئینۂ جمالِ خدا ہی رہی سدا |
| بدر و اُحد میں عدل کا پرچم بلند تھا |
| منظور جو رضائے خدا ہی رہی سدا |
| خندق کے روز صبر کی ایسی مثال دی |
| طاقت نہ شاہ اور نہ گدا ہی رہی سدا |
| فتحِ مبیں ہوئی تو نہ بدلے مزاجِ دل |
| لب پر نوائے عفو و عطا ہی رہی سدا |
| دشمن بھی در سے آپؐ کے خالی نہیں گیا |
| تقسیمِ لطف و مہر و عطا ہی رہی سدا |
| قیدی کو در سے آپؐ کے ایسی ملی عطا |
| ہر جا پہ عدل و حق کی بقا ہی رہی سدا |
| جس نے کبھی ہے سیرتِ اقدس کو پڑھ لیا |
| اس کی حیات ، نور و ضیا ہی رہی سدا |
| دنیا نے جنگ دیکھی تو حیران رہ گئی |
| ہر معرکے میں شانِ غنا ہی رہی سدا |
| سرکارؐ! آپؐ کی ہے یہ امت پہ اک عطا |
| نفرت کے درمیاں بھی وفا ہی رہی سدا |
| ہم پر بھی ایک قطرۂ رحمت نظر ہو یاں |
| دل میں درود کی جو صدا ہی رہی سدا |
| ہر اک عمل ہی آپ کا طارق تھا خیرِ خُلق |
| تلقینِ صبر و صدق و صفا ہی رہی سدا |
معلومات