درد دل میں بسا کے چلتا ہے |
ہم کو اپنا بنا کے چلتا ہے |
یوں چلے جیسے کارواں کوئی |
اپنا سب کچھ لٹا کے چلتا ہے |
چاند بادل میں اب نہیں چھپتا |
رُخ سے آنچل ہٹا کے چلتا ہے |
یہ حیا ہے یا پھر تغافل ہے |
آنکھیں اکثر جھکا کے چلتا ہے |
جھکتی جاتی ہیں نظریں سجدے میں |
سر جو خوش رو اٹھا کے چلتا ہے |
وقتِ رُخصت گلہ کیا اس سے |
ہم کو اپنا بنا کے چلتا ہے |
وہ جو سر چڑھ کے بولتا ہے نا |
ایسا جادو جگا کے چلتا ہے |
وہ جو خود شعر ہے نہ سمجھے شعر |
شعر ہم کو سکھا کے چلتا ہے |
ہوتا کیا کیا ہے دل لگانے سے |
پتہ دل کو لگا کے چلتا ہے |
کیا کہوں اس طلسم زادے کی |
روگ دل کو لگا کے چلتا ہے |
معلومات