| ذکر محمد ؐ کو بھلائیں کیسے |
| عشق نبی ؐ جو ہے، چھپائیں کیسے |
| گر فاصلوں میں تکلف ہے شامل |
| دلدوز بپتا کو سنائیں کیسے |
| ہے گنبد خضری ؐ بسا دل میں ہر دم |
| ان دوریوں کو ہم مٹائیں کیسے |
| حسرت بھری آنکھیں ہیں، دل ہے بے بس |
| "فرقت کا منظر ہم بھلائیں کیسے |
| ہے شہرۂ آفاق ہستی ؐ جن کی |
| اس ؐ در پہ پلکوں کو اٹھائیں کیسے |
| خیرالوری ؐ، نورالہدی ؐ کے عاشق |
| غم جھیل کر وہ مسکرائیں کیسے |
| نادم ہے ناصؔر لغزشوں پہ اپنی |
| آقا ؐ کو منہ اپنا دکھائیں کیسے |
معلومات